ЎзДЖТУ билан ҳамкорлик меморандуми имзоланди

  Respublika Maʼnaviyat va maʼrifat markazi “Maʼrifat” targʼibotchilar jamiyati hamda Oʼzbekiston davlat jahon tillari universiteti Xalqaro jurnalistika fakulьteti oʼrtasida ham hamkorlik memorandumi imzolandi.

  Mamlakatimizda maʼnaviy-maʼrifiy ishlarni tizimli tashkil etish, bu borada amalga oshirilayotgan chora-tadbirlarning samaradorligini oshirish borasida idora va tashkilotlar, taʼlim dargohlari oʼrtasida hamkorlik tobora kengayib bormoqda.
Hamkorlikdan koʼzlangan maqsad:

• «Maʼrifat» targʼibotchilar jamiyatiga oid yangiliklar, targʼibotchilar faoliyatini keng yoritish, axborot texnologiyalaridan foydalanish koʼnikmalarini shakllantirish, liderlik qobilyatini kuchaytirish, xorijiy ilgʼor ish tajribalarni yoshlar orasida keng ommalashtirish;

• jamiyat tomonidan olib borilayotgan targʼibot-tashviqot tadbirlarini tashkil etish va oʼtkazishga axborot xizmati, xalqaro jurnalistika boʼyicha iqtidorli talabalar, universitet professor-oʼqituvchilarini keng jalb etish;

• tadbirlar doirasidagi loyihalar boʼyicha tashabbuslar koʼrsatish, oʼzaro takliflar almashish, muhokamalar tashkil etish;

• hamkorlikda «Аxborot xizmatini rivojlantirishga qaratilgan media-klub faoliyatini yoʼlga qoʼyish.

Ushbu memorandum iqtidorli, faol talaba-yoshlarni qoʼllab-quvvatlash, ijodiy intelektual salohiyatini ruyobga chiqarish kabi vazifalarni ham oʼz ichiga oladi.