“Ўзбекистон – барчамиз учун ягона Ватан, ягона қалбдир!”

Бугун, 2 июль куни Халқлар дўстлиги майдонида гала-концерт ва дрон шоу бўлиб ўтади!

Бугун кеч соат 19:00 да Халқлар дўстлиги майдонида 2 июль – Ўзбекистон Республикаси Давлат герби қабул қилинган кун муносабати билан тантанали тадбир бошланади, деб ёзади oyina.uz.

“Ўзбекистон – барчамиз учун ягона Ватан, ягона қалбдир!” шиори остида ташкил этиладиган гала-концертда таниқли шоирлар, чемпион спортчилар, машҳур санъаткорлар ва рақс дасталари чиқиш қилади.

Маънавий-марифий тадбир доирасида қизиқарли танлов ва викториналар уюштирилиб, ғолиблар қимматбаҳо совғалар билан тақдирланади.

Байрам тадбири якунида 250 та дрон иштирокида махсус шоу ўтказилади.